Ka filluar seanca për caktimin e masës së sigurisë ndaj nëntë zyrtarëve publik, të arrestuar dje nga Policia e Kosovës në Lipjan për veprat penale “Keqpërdorimi i pozitës apo autoritetit zyrtar”, “Keqpërdorimi dhe mashtrimi në prokurim publik” si dhe “Mashtrimi”.

Lajmin për arbresh.info e ka konfirmuar zëdhënësja e Gjykatës Themelore në Prishtinë, Mirlinda Gashi e cila tha se seanca ka nisur rreth orës 11:00 dhe po mbahet me dyer të mbyllura.

Ndërsa shtoi se pas përfundimit të seancës do të merret vendimi i Gjykatës.

Kujtojmë se, Policia e Kosovës të hënën ka arrestuar nëntë persona.

Sipas Prokurorisë Themelore në Prishtinë, personat e arrestuar në cilësinë e personave zyrtarë, si anëtarë të

Komisionit teknik kanë bërë pranimin e punimeve të stadiumit të futbollit në fshatin Magure – Komuna e Lipjanit, kinse janë kryer punimet sipas kontratës së fituar nga një kompani. /arbresh.info/

Lexo edhe:

Prokurori i Shtetit kërkon paraburgim për nëntë zyrtarët e arrestuar për mashtrim dhe keqpërdorim të pozitës në Lipjan